Tag Archives: չաթ

Անդրանիկ Վարդանեան

27/06/2015

Ես էլ ասում եմ, թէ ինչու այս քանի օրը չեմ կարողանում իմ ջմեյլ օգտագործող ընկերներիս նամակ գրել, դու մի ասա, որ Գուգլ ձաձան, քանի օր է, մի խումբ մարդկանց առանց զգուշացնելու իրենց gmail.comում չաթը փոխել է hangouts-ի, ու վատն էն ա, որ առանց հարցնելու։

մարդկային տարրական շփման մասին

Ինձ շատ են ասում՝ դու ո՞նց ես շփւում մարդկանց հետ, կամ առհասարակ շփւո՞ւմ ես, գոնէ գիտե՞ս մարդկութիւնն ինչ է։

ու ես ինքս ինձ միշտ մտածում եմ ազատ ժամանակ թէ ես ինչքանով եմ մարդ (կամ ինչքանով մեքենայ չեմ), ու ինձ թւում է թէ շատ քիչ եմ մարդ։ նախ.

դրա համար որ մարդկանց մեծամասնութիւնը ինձ ասում է թէ մարդկային շփումը չգիտեմ, ուրեմն այդպէս էլ կայ՝ չգիտեմ։ բայց իրականում ըստ իրենց, ու իրենց մօտ ստանդարտիզացած «մարդկային շփումը»-ի համաձայն։

ինձ մօտ ամէն ինչ հակառակն է, չգիտեմ՝ դա լաւ է թէ վատ, բայց հակառակն է։

օրինակ մարդիկ իրար ամէն օր հարցնում են թէ ոնց են, ասենք ֆեյսբուքում տեսնում են թէ կանաչ ա ու գրում են «բարեւ, ո՞նց ես» ու գնում է ձանձրալի անկապ խօսակցութիւն՝ լաւ, բա դո՞ւ, բա յետո՞յ, դա՞ս, կին երեխա՞յ, պրծ։ անցաւ գնաց։

ես տարին մի երկու անգամ եմ մարդու հետ շփւում, ասենք մի քանի ամիսը մէկ մեյլ եմ գրում՝ ողջոյն, ո՞նց ես, սա սա ու սա խնդիրները ո՞նց լուծեցիր, տնեցի՞ք, ինչո՞վ օգնեմ։ ու ինձ հետ են պատասխանում, ու եթէ մի բան հետաքրքրի հետ եմ մեյլում հարցերս տալով, մինչեւ մի 2 օրում մեյլվենք ու մեր թեմաները վերջանայ։

ու եթէ մարդը լաւ ա, խնդիրը չունի, ի՞նչ մեյլեմ, ի՞նչ գրեմ, որ գրեմ էլ անկապ իր ժամանակն եմ կորցնելու, ախր շատ լաւ ա՝ ապրի ինքը, թող առաջ գնայ, թէ բան պէտք լինի՝ ինձ գրի, փորձեմ օգնել։ բայց յանկարծ վատ չլինի՝ ով ուզում ա լինի՝ կը գժուեմ, ուզում ա մի անգամ տեսած ծանօթս լինի, չէ, չէ, ամէն ինչով փորձեմ օգնել, ծանօթներ գտնել, թէկուզ իրեն լաւը ցոյց տալ, խորհուրդ տալ, թեման նաեւ ասենք ցրել ինչ-որ երգ ուղարկելով։ բա։

ինձ թւում է (մի գուցէ սխալ է թւում), թէ, հա, ես մեքենայ եմ, ու երեւի նրա համա՞ր եմ մեքենայ, որ ուրիշների նման ոչ թէ ամէն օր եմ հարցնում, ու ձեւական, անկապ, ու երբ մարդը վատ է լինում, ուղղակի կարդում եմ իր ՖԲ ստատուսը թողնում գնում եմ, այլ նրա համար, որ իր սուղ ժամանակը չեմ խլում, այլ պէտք եղած ժամանակ եմ գրում, ու իր վատ օրերին էլ փորձում եմ հասնել, մի գուցէ հենց դրա համար էլ քիչ մարդկային եմ։ չգիտեմ շփուել մարդկանց հետ։

մարդկային տարրական շփումը ստանդարտացման մէջ շուտով կը լինի՝ անպայման ՖԲով նամակ գրել, գիշերները թվիթ անել, կամ մէկ մէկ գոնէ լայք ու ֆավորիթ։ հա դէ, այսօր մարդիկ այնտեղ են ապրում։

օրինակ գիտէի՞ք որ ասենք շատ երկրներում, օրինակ Սիրիայում, հեռախօսով զանգելն է ընդունուած, ասում են՝ վայ բա մի հատ զանգի էս բարեկամին, վաղուց չենք զանգել։ ասես պարտականութիւնը լինի։ բայց էդ նոյն բարեկամը լինի վատ օրի, զանգողները, ինչպէս միշտ, մնում են զանգողներ, ու նրանք ովքեր Զատիկից Զատիկ էին զանգում, գնում ու իրենցից շուտ հասնում են հիւանդանոց։

երեւի պէտք է մի հատ վերանայենք ամէն ինչ մարդկային շփման մասին ստանդարտները, երեւի։

ասանկ բաներ

Անդրանիկ Վարդանեան

10/04/2015

Մօտ երկու օր ջմեյլով բզբզեցի, ու հետաքրքիր բան բացայայտեցի.

Ուրեմն եթէ մեյլ ենք ուղարկում simon@haymail.am-ին, ապա բնականաբար մեյլը գնում է, յետոյ այդ simon@haymail.am-ին ադդ է անում որպէս չաթ անուն (Ջաբեր հաշիւ)։

ուրեմն ամիսներ առաջ, ընկերս՝ Վահէն, կարծում էր թէ antranigv@spyurk.am-ը իմ մեյլն է, քանի որ ես դա օգտագործում էի ջաբերի համար (դեռ հիմայ էլ է դա), իր ջմեյլով ինձ մեյլ է ուղարկում, մէկ էլ տեսնեմ որ Վահէն իր ջմեյլով ինձ ադդ է արել ջաբերում ։ՃՃ

փաստօրէն իր ուղարկած մեյլը կորաւ, քանի որ antranigv@spyurk.am հասցէով մեյլ չկայ, բայց առանց իմանալու ինձ ադդ է արել իր ջմեյլից ։ՃՃ

հմմ, ուրեմն եթէ ես ունենամ ե՛ւ ջաբեր, ե՛ւ մեյլ հասէ antranig@pingvinashen.am հասցէով, ապա ամէն մէկը ով ինձ նամակ է գրում ջմեյլով, ինձ նաեւ աւելացնում է չաթում (։

Ասք կարգիչների խնդիրները դիւրակիր սարքերին տանելու մասին

Յիշո՞ւմ էք, երբ Նորայրը Բուն TV-ում պատմում էր նրա մասին, որ մարդիկ միասին չաթուելու համար բացում էին մի հատ ICQ, MSN, Yahoo Messenger, Paltalk, Skype, Gtalk, AOL եւ այլն (սա կարող է անվերջ գնալ)։ Իհարկէ ես էլ եմ ապրել այդ ժամանակներին, նոյն յուզերնեյմով ունէի հաշիւներ այդ բոլորի մօտ, քանի որ չէի կարող մէկից միւսը նամակ գրել (չնայած վերջում MSN-ից Yahoo բացեցին պորտը)։ այդ խնդիրը մի գուցէ չկայ էլ գրասեղանային կարգիչների մօտ. մարդիկ անցել են Վեբի, ասենք բոլորը միասին բացում են Ֆեյսբուքի չաթ, կամ Գուգլի ֆանատները միասին անցնում են Ջ+ հանգաութս, իսկ եթէ ցանկանում ես բոլորի հետ շփուել, ապա մէկ զննիչով բացում ես մի քանի ներդիր (Tab), ասենք facebook.com, plus.google.com, vk.com, ok.ru, եւ շարունակելի է։

Այս խնդիրը ոչ թէ միայն չլուծուեց, այսինքն՝ չստացուեց մարդկանց բացատրել, որ կարելի է մէկ տեղ լինելով բոլորի հետ շփուել, այլ եւ խնդիրը շարունակուեց դիւրակիր սարքերի, խելախօսների, թաբլեթների, շուտով՝ խելաժամացոյցների եւ այլնի մօտ։

Այսօր ընկերս էր եկել, գնալու էր Ուզբեկստան, խնդրեց մի հատ մեյլս գրեմ, որ հետս կապուի։ վերցրեցի հեռախօսը, որ մտնեմ contacts ծրագիրը, ի դէպ հեռախօսը լաւ հզօր բան մըն է, Սամսունգ ընկերութեան կողմից եւ Անդրոիդով աշխատող։ ահա, դեռ սպասում եմ contacts ծրագիրը բացի 🙂 բա ուրի՞շ, ո՞նց էք, հեսա կը բացի (։

Վերջապէ՜ս, բացեց, ահա գրեցի մեյլս, ու հիմայ սպասենք, սեյվ է անում։ ահա, բայց ինչո՞ւ այսքան դանդաղ, իմ 600Mhz-նոց Ն900-ը շա՜տ աւելի արագ է, հմմ։ իրենը երեւի մի երկմիջուկանի 1.5Ghz կը լինի մի ԳԲ ՌԱՄ-ով։

Ցանկանո՞ւմ ես բոլորի հետ շփուել, դէ օգտագործիր. Whatsapp, Viber, Skype (արա էլի՞ դու ։Ճ), Telegram, QQ, Snapchat, Tango, ու սա անվերջ կը գնայ, 2 անգամ աւելի անվերջ քան գրասեղանային կարգիչների անվերջը ։Ճ

Բնական է, որ այդքան ծրագիր բաց թողնելուց յետոյ հեռախօսը սկսում է դանդաղել (։

իսկ գիտէի՞ք, որ համարեայ բոլորն էլ աշխատում են XMPP-ով (։ բայց այնպէ՜ս են ներկայացնում, ասես նոր գիտութիւն լինի։

Իսկ ես ունեմ մէկ ծրագիր, կամ Pidgin-ն է միացրած, կամ էլ հենց maemo ՕՀ-ի ներքին ծրագիրը, եւ ահա, ես կպած եմ Ջաբերին, եւ խօսում եմ բոլորի հետ։ Մենք (ջաբեր օգտագործողներս) նաեւ ունենք ընտրութիւն, օրինակ՝ ինձ դուր չի՞ գալիս Pidgin-ը, խնդիր չկայ, կ’օգտագործեմ Psi, դա էլ է՞ էշութիւն, ոչինչ, կայ Profanity, եւ այլն։

իսկ դո՞ւք, ամէն տարի նոր, աւելի արագ հեռախօ՞ս էք առնում (։ թէ՞ հանգիստ չէք շփւում։

տենց։

Ասք Բլեքբերիների մասին

Մօտ 2-3 ամիս առաջ, ինձ զանգ եկաւ, որ շտապ պէտք է գնամ հիւսիս, Բուրխում անունով մի քաղաք, մի թեթեւ գործ կար, ասեցին՝ մի քանի օրով, մի քանի հանգոյց կայ պատրաստելու։ Ես էլ հեռախօսս ու կարգիչս թողած գնացի, ասեցի՝ հա լաւ դէ մի քանի օրուայ համար էդքան բեռ պէտք չէ։ հասայ, պարզուեց, որ մի քանի օրը լինելու է մի քանի ամիս ։Ճ առաջին բանը որ մտքումս էր՝ կարգիչ է պէտք։ Խնդիր չկայ, ծանօթներիցս մէկը զարմանալով ինձ տուեց մի հատ հին Petnium 4֊նոց կարգիչ, որը ըստ իրեն անիմաստ է, ասում է՝ հա լաւ ո՞նց ես աշխատեցնելու դա, 300 քանի ՄԲ ՌԱՄ յիշողութիւն ունի, նոյնիսկ նորմալ Google Chrome չի բացում (։ վերցրեցի ու վրեն քշեցի Ֆեդորա LXDE֊ով, որը օգտուում էր ընդամէնը 100 ՄԲ ՌԱՄից, ի դէպ՝ դա շատ է ։Ճ թողնում էի մենակ Openbox֊ը եւ ազատում էի մօտ 30֊40 ՄԲ էլ ։Ճ 60 ՄԲ֊ով աշխատեցնում էի, մտնում էի նորմալ ցանց, չաթւում էի, եւ այլն ։Ճ

Բայց մի բան պակաս էր․ ինձ պէտք էր աւելի մոբայլ սարք, իսկ այդ կարգիչը մօտ 3 ԿԳ էր ։Ճ ընկերներիցս մէկն ասեց, որ ինձ կը տայ իր ԲլեքԲերին։ Ինձ համար մե ուրախութիւն էր, որ ես ԲլեքԲերի եմ օգտագործելու, իմ ընկերները էնքա՜ն էին գովում բլեքբերիները, եւ Սիրիայում, եւ Հայաստանում։ Ինձ պէտք է մոբայլ սարք 3 բանի համար՝ Իմեյլ, Չաթ (Jabber/XMPP) եւ Հայատառ գրել։ Ինչեւէ, ստացայ սարքը՝ BlackBerry Bold 9780։

Լաւ, սկսենք մեյլից, որը իմ շփման ամենակարեւոր ձեւն է. Եթէ ուզում ես Բլեքբերիով մեյլ օգտագործել, ապա պէտք է քո մեյլի տուեալները յանձնես RIM֊ին (ԲլեքԲերի սարքող ընկերութեանը), ու իրենք քո տեղն են որոշում քո կարգաւորումները, իրենք են որոշում ինչքան մեյլ պէտք է կարդաս, եւ այլ կարգաւորումներ։ մի քիչ վախեցայ, բայց համացանցում կարդալուց յետոյ պարզուեց որ այդքան էլ վտանգաւոր չեն, Ամերիկեան չէն ։Ճ Կանադական են։ ինչեւէ՝ դրեցի երկրորդ մեյլս, հիմնականը վախեցայ դնեմ։

Մի քանի օր անցաւ, պէտք էր SIM քարդս փոխէի, ես առհասարակ ինձ հետաքրքիր չի համարը, մենակ համացանց է պէտք ։Ճ պարզւում է, որ BlackBerry Internet Service անունով բան կայ, որը ոմն ընկերութիւններում վճարովի է, ասենք Հայաստանում դա ապահովում է մենակ ՎիվաՍելլ֊ՄՏՍ֊ը՝ ամսեկան ընդամէնը 9900 դրամ, Նիդերլանդներում T-Mobile֊ի մօտ անվճար է, իսկ միւս Օպերատորից որը օգտուում էի՝ Hi էր անունը, վճարովի է։

Հիմայ էլ չէի ստանում ոչ մի նամակ, փաստօրէն՝ մեյլերս կարդալու համար պէտք է մուծեմ, որ աշխատի BIS-ը, անգամ չէի կարող ծրագիր քաշել իրենց մարքեթից, անգամ Թվիթեր մտնելիս ասում էր (Change your internet plan)։

Ահաւոր էր։

Չաթ էր պէտք, ես ընտանիքիս եւ ընկերուհուս հետ խօսում/գրւում եմ Ջաբերով, XMPP կլիենտ էր պէտք։ Միակ նորմալ ծրագիրը IM+֊ն էր իմ չսիրած, քանի որ իրենք էլ՝ վերցնում են քո տուեալները ու իրենց հանգոյցով են քեզ միացնում քո սիրած XMPP սերվեր, քանի որ իրենք քո համար ապահովում են PUSH-ը ։Ճ ու անգամ եթէ անջատես Push֊ը, մէկ է, իրենց հանգոյցով է միանալու։ Վատ էր։

Հայատառ գրելու համար էլ հարցրել էի Սփիւռքում, ու ինչպէս ասեցին՝ փորձեմ custom ստեղնաշար սարքել ։Ճ էն էլ պարզւում է տենց բան չկայ ՍեւԲերրիներում ։Ճ

Մէկ էլ աւելացնեմ՝ ամէն տեսակի ֆորմատ չի կարդում, օրինակ ես երգերը լսում եմ .ogg, իսկ բլեքբերին մենակ MP3 է կարդում, այնպէս որ ստիպուած եղայ մօտ 10 ԳԲ երգ convert անեմ .mp3։

Մի խօսքով, ահաւոր է, մարդիկ ինչն են սիրում էս սարքերի, նոյնիսկ ՕՀ֊ն չեմ կարող փոխել ==> ինքը այդքան էլ խելախօս չի ։Ճ

Սպասեմ մի քանի օր, գնամ հետ ստանամ Nokia N900֊ս (USB պորտն էր փչացել, տուել եմ սարքեն), ու նորմալ օգտուեմ ամէն ինչից, Հայատառ էլ գրեմ, մեյլվեմ, չաթուեմ, եւ այլն ։Ճ

յ.գ. եւ իհարկէ, ինչ որ գրուած էր իրենց ծրագրերի աշխարհում (Free Application), այդքան էլ Free չէր։

ասանկ բաներ։

Ասք արտայայտուելու մասին

Լինում են, չէ՞, դէպքեր, որ ասենք՝ մարդ չի կարողանում արտայայտուի։

Ես դրա համար շատ լաւ լուծում եմ գտել, լաւ, գոնէ ինձ համար։ Մի շատ փիս բնաւորութիւն ունեմ չաթուելուց. Երկար բարակ գրում եմ, միտքս գրում եմ ինչպէս որ կայ, ասենք՝ փիդջինի գրելու տեղը լցւում է (ու ինձ մօտ ես դիֆոլթից աւելացրել եմ մի քանի տող), իսկ վերջում՝ Ctrl + A ապա ← A.K.A սպանում եմ ինձ նամակս

Ժամանակին մի հատ Talk անունով ծրագիր կար, ինքը չաթուելու համար էր, բայց ոչ թէ պէտք է գրես քո նամակը ու յետոյ սեղմես ↲ , այլ՝ ինչ մուտքագրում ես ինքը միւսի մօտ ցոյց է տալիս։

Մի պահ պատկերացրէք դա։ Դա նման է որ դիմացի մարդու ուղեղը կարդաս, անգամ սիրտը։ Դա նման է նրան, որ, ասենք՝ եթէ մէկը Ձեզ ասի գրի ես սիրում եմ քեզ, ու դուք էլ էդ մարդուն էք սիրում, բայց չէք կարողանում պատասխանել, ոնց որ շոքի մէջ լինէք, բայց գրում էք չաթում Ախր ես էլ քե՜զ, ու յանկարծ ↲ սեղմելու տեղ սեղմում եւ պահում էք ← կոճակը… ուշ է… ինքը արդէն տեսաւ։ Ինքը անգամ տեսաւ որ ջնջում էք։ Ինքը արդէն վիրաւորուեց։

Ինչո՞ւ ենք բարդացնում մեր զգացումները, չեմ հասկանում, ճիշտն ասած՝ էս նոյն հարցը ինքս ինձ եմ տալիս, ու մէկ է՝ չեմ հասկանում։

Կարօտե՞լ ես՝ զանգիր։
Սիրում ես՝ ասա։

Ու եկէք այսուհետ Անդրանիկութիւն անկապութիւն չանենք, այլ լինենք Պինգուինների նման։

Սակայն հարցը միայն սիրոյ մասին չէ։ Օրինակ շատերը քաշւում են նոյնիսկ իրենց մտերիմներից, թէ՞ մենակ ես եմ տենց, շատերը ծնողներից։ Ու ամենավատը երբ մարդ ասենք՝ ես ինքն իրենից է քաշւում։

Ու տենց։

Անդրանիկ Վարդանեան

27/11/2014

#փաստօրէն այսքան ժամանակ անց դեռ Ջուջուլը չի փակել իմ Ջմեյլի կապը արտաքին XMPP հանգոյցների հետ։ #ահա։ ես կարողացայ աւելացնել իմ Սփիւռքի XMPP-ի հաշիւը իմ Ջմեյլին, եւ կարողացայ ինքս ինձ հետ չաթուել ( #foreveralone լօլ)

Հիմայ մնում է հասկանանք, ո՞նց անենք, որ միւս օգտատէրերն էլ կարողանան կապուել իմ (մեր) Սփիւռքի չաթին, թէ՞ հանգաութ անցնելուց յետոյ էլ ձեւ չկայ։

#Google #XMPP #չաթ #Ջաբեր #Սփիւռք #ապուշների_մէկը #ազատութիւն ##

Անդրանիկ Վարդանեան

26/06/2014

— Ի՞նչ ես անում
— Նոր նստեցի կոմպի դէմը
մաքրութիւն էի անում
— տա՞ն, թէ՞ սերվերի 😀
— ։ՃՃՃ
տան

#Վարչապետ #տուն #մենակ_մնալ #ասանկբաներ #չաթ