Tag Archives: Պատմութիւն

Ասք Բաշով Սոքեթ Ծրագրաւորման Մասին

Արդէն քանի ամիս է Սերթում եմ աշխատում, իրականում կէս տարի է արդէն, երեւի աւելի, ինչեւէ։ չնայած, ինչքանով որ հասկացայ, Հայաստանում ադմինների մեծ մասը պատրաստի թուլեր են օգտագործում, շատ քչերն են ձեռով սկրիպտներ գրում, անգամ ծրագրեր, բայց դէ նորմալ ա, ինչ որ լուրջ պահանջ էլ չկայ, բացի եթէ մեծ ընկերութեան մէջ ես աշխատում։ բայց մեծ ընկերութիւններում էլ եթէ ծրագիր գրել պէտք լինի ադմինի համար, հաւանաբար ծրագրաւորող կը լինի։

Սերթում տենց չի, չգիտեմ լաւ է թէ չէ, բայց միայն ես եմ տեխնիկական գործեր անում (իրար վրայ երկու հոգի ենք թիմում), ու ամէն ինչ պէտք է ես անեմ։

չգիտեմ ոնց եղաւ, բայց ինձ պէտք էր, որ socket ծրագրաւորում անեմ, ինչ որ ռաութերների հետ շփուելու, ու հասկանալու թէ ոնց ա վիճակը Հայաստանում (վերջում պարզուեց որ վատ ա)։

Ադմիններին հենց ասում ես սոքեթ ծրագրաւորում, առաջին բանը որ ասում ենք դա netcat-ն է, որն ի դէպ շատ լաւն է։ մարդիկ էլ ովքեր ծրագրաւորում գիտեն, նախընտրում են իհարկէ արագի մէջ փայթնի սոքեթով անել։ շատ քիչ մարդիկ սիրում են նաեւ էկզոտիկ լեզուներով անել (օրինակ ոնց կ’անէինք ես ու նորայրը

Ինչեւէ, netcat-ը ինձ հերիքում էր, Պասկալն էլ չասեմ։ բայց ես մի քանի սարք ունեմ, որոնց վրայ չկայ netcat, իսկ ես ուզում էի ծրագիրս ամէն տեղ աշխատի, բա ի՞նչ անեմ։
(* չնայած ամէն տեղ voc ունեմ, բայց աւաղ, այդքան լաւ չեմ կարողանում դեռ ծրագրաւորել Օբերոնով, որ մի անգամից պէտք եղածն անեմ *)

օրերն անցան, խնդիրը մնաց։

Մի օր աւտօբուսում նստած կպել էի սերւերիս ու մանուալներ էի կարդում, ինչ որ բաշ սկրիպտ էի գրում, որ խնդիր կար, մէկ էլ սենց հաւէս բան տեսայ՝
2016-04-27_13:36:21

առաջին պահին ուրախացայ, երկրորդ պահին, ըստ սովորութեան, որոշեցի սորսերը կարդալ ։Ճ ահա եւ գտայ՝ redir.c

հաւէ՜ս, ես ամէն տեղ բաշ ունեմ, նոյնիսկ այնտեղ որ չպէտք է լինի, քանի որ ash-ով է գալիս ։Ճ

լաւ, հիմա փորձենք, պայմանս շատ պարզ էր, մի տեղից պէտք է լսեմ, միւս տեղից պէտք է բաշով ուղարկեմ եւ ստանամ (։

ահա եւ վիդեոն՝

ու տենց (։

Անդրանիկ Վարդանեան

12/07/2015

Բարի լոյս, այո, այսօր շատ շուտ եմ արթնացել, բայց նոր եմ կարգիչի դէմ նստում։

բայց այսօր չեմ ասի «ձեր մնացած կիրակի օրերից չտարբերուող կիրակի օրը բարի լինի», քանի որ այսօր բոլորիս համար էլ տարբերուող օր է, այսօր վարդավառ է 😉

եթէ հայաստանում լինէի, ապա շատ հաւանական է որ հիմայ ընկերներով Գառնի տաճարի ճանապարհին լինէինք, ինչպէս ամէն տարի։ բայց ես այսօր Հայաստանում նշման մասին չեմ պատմի, մէկ է բոլորս գիտենք այն։ Ճիշտն ասած՝ չէ, ես չգիտեմ թէ Երեւանում ինչպէս են տօնում, միշտ Գառնիում եմ եղել այդ օրերին, այնպէս որ դուք պէտք է ինձ պատմէք դրա մասին 😉

լաւ, ես այսօր պատմելու եմ Սիրիայում, աւելի ճիշտ՝ Հալէպում վարդավառի մասին (։

Նախ ասեմ, որ Հալէպում հայկական համայնքը այնքան հզօր էր, որ այսպիսի տօները մեր կեանքից մի մասն էին կազմում, ի տարբերութիւն ոչ-արաբական-աշխարհում հայկական համայնքների մասին, որտեղ նման տօները, լինի դա կրօնական, ազգային, թէ նախաքրիստոնէական, կարճ ասած՝ մեռնում են ու մոռացւում, շատ մարդիկ նոյնիսկ չգիտեն թէ տօնը ինչի մասին է։ լաւ, դա մի այլ օր կը քննարկենք միասին։

Եթէ Հայաստանում տեսնում ենք թէ բոլոր հայերը միասին վարդավառն են տօնում, իհարկէ մեզ նորմալ է թւում, բայց երբ գնում ես Հալէպ, մանաւանդ նոր գիւղ թաղամասը, կը նկատես որ նոյնիսկ արաբ երեխաներն են հայերի հետ արդէն խաղում, ասես իրենց տօնը լինի, ու մենք բոլորս բալքոնների մէջ աւազան էինք դնում, զինուած սպասում էինք անցորդների, որ ջրենք բոլորին, ու բոլորս էլ ջրում էինք եւ ջրւում։ օտար երկրում, օտար ազգի հետ, օտար պետական կրօն ունեցող ժողովրդի հետ զգալ քեզ այնպէս, ինչպէս քո եղբայրներն են զգում հայրենիքում եւ նոյն ձեւ տօնը նշել, իհարկէ, մենակ Սիրիայի ու Լիբանանի մասին է խօսքը գնում (։

ակումբների մէջ, ու ոչ, խօսքս կլուբ ասուածի մասին չէ ։Ճ մենք ակումբ ասելով նաեւ հասկանում էինք մեր կուսակցութիւնների երիտասարդական միութիւններն ու պատանեկան միութիւնները, ինչպէս նաեւ սկաուտական շարքերի, քայլիկների ու արծւիկների հանդիպումների ժամանակ, միասին նշում էինք վարդավառը կազմակերպելով ջրային խաղեր ։) շատ հաւէս էր, իհարկէ։ չմոռանամ նաեւ ասել կիրակնօրեայ դպրոցների մասին, երբ երեխաները հաւաքւում էին եկեղեցիների մէջ, եւ տօնում։

Մեզ մօտ 10-12 տարեկանից երեխային «քցում» են փողոցը որ աշխատի, մեքենայ սարքել սովորի, ոսկերչութիւն, իմ աշխատանքին որին գնում էի ասում էինք «մկլամջի», կամ այսպէս ասած՝ քար քցող, ոսկու վրայ քար էի դնում, մի խօսքով։ մի օր պէտք էր ոսկին տանէի մեր ուարշէից՝ արհեստանոցից, ուրիշի մօտ, ճանապարհին գնում էի, մէկ էլ՝ ԲՈՒՄ, մէկը մի թոյլ ջուր լցրեց վրաս ։ՃՃ մի երեխայ էր, ծիծաղեցի ու գնացի։ տարայ եւ հասցրեցի ոսկին տիրոջը, եւ երբ հետ էի գալիս, ԿՐԿԻՆ անգամ, ՆՈ3Ն տեղը, նոյն տղան ու էլի ՇՐԽ, մի հատ էլ վրաս լցրեց ։ՃՃ այ այն ժամանակ շատ խնդացի ։Պ

հաւէս էր իհարկէ, բայց շատ եմ նեղւում որ տեսնում եմ, ասենք Ռուսաստանի սփիւռում, մեռած համայնքների վիճակը, ԱՄՆ-ներում չգիտեմ ինչպէս են, բայց Սիրիայում եթէ մի գիւղում կար 2 հայ ընտանիք, ապա անպայման տօնում էին միասին ցանկացած տօն։

ու տենց, ձեզ էլ ցանկանում եմ բարի աստղային ջրային պատերազմներ ։Ճ

ասք գնու լինուքսին մեղադրելու մասին

Շատ է լինում երբ լաւութիւն եմ անում ու մարդկանց համար գնու/լինուքս եմ տեղադրում, դէ ասենք համ վիրուսներից են ազատւում, համ միշտ թարմ է մնում համակարգը, համ բութ ու չաղ չէ, անգամ շատ հին կարգիչների վրայ է աշխատում ամենաթարմ միջուկները եւ ծրագրերը (օրինակ մը), համ էլ բոլոր պէտքական ծրագրերը կան շտեմարաններում։

բայց միշտ նոյն բանն է պատահում ինձ հետ, մի՛շտ։

եթէ մի բան «էն չի», առաջին հերթին Անդրանիկն գնու/լինուքսն է մեղաւոր, ինքը մի բան սխալ արեց, մի բան փչացրեց։

օրինակ Հայաստանից գնալուցս առաջ մի աղջկայ մօտ տեղադրել էինք, ու մի անգամ էլ գրում է թէ փչացել է, յու էս բի բջջային կապը չի աշխատում։ կապուեցի իր հետ, պարզուեց թէ ամէն ինչն էլ թամամ է, ուղղակի սարքն է փչացած, թոյլ միացում ունի։

այստեղ 2 կէտ կայ.

1) ինձ ու ընկերոջս հետ կապուեց։ հա իհարկէ, հո չէ՞ր գնալու սայատ նովա, մտնէր հարցնէր թէ ինչու չի աշխատում, քանի որ դրանք գնու/լինուքսից չեն հասկանում բնաւ(?), ու իրենց նաեւ ձեռնատու էլ չէ մարդկանց մօտ նորմալ համակարգ տեղադրել (թէ ինչու՝ ներքեւում)։

2) առաջին հերթին մեղադրել մի նոր բանի՝ գնու/լինուքսին։ ինչո՞ւ է լինուքսը մեղաւոր, քանի որ նո՞ր է օգտագործում, թէ՞ քանի որ քիչ անուն ունի, ուրեմն հնարաւոր է չինական վատն է։

լաւ, մօտաւոր բայց աւելի խորը դէպք էլ. ընկերներիցս մէկը որոշում է անցնել գնու/լինուքս, բայց սա տարիներ առաջ էր, մի 8 տարի առաջ, Սիրիայում, ու ինքը նոր գրաֆիկ քարդ ունէր, ահագին թանկանոց։ տեղադրեց համակարգը ու գրաֆիկական քարդը փչացաւ։ ի լաւ մեզ, պէտք չկար նորը առնել, կարողացանք սարքել, բայց էլի՝ նա մեղադրում էր գնու/լինուքսին։

ահագին ժամանակ անցաւ, ու ես հասկացայ թէ խնդիրը գնու/լինուքսից չէ բնաւ, այլ վենդորից՝ Nvidiaից, քանի որ փակ դրայվերներ էին սարքում այն ժամանակ, ու ահա մեր update անելիս համակարգը, ինչ-որ ալտերնատիւ սարքավար տեղադրելիս փչացաւ։ բայց համայնքը ինչո՞ւմն է մեղաւոր եթէ վենդորը տականք բիզնես մօտեցում է անում։

այդ օրերը արդէն չկան այդքան էլ, արդէն բաց ալտերնատիւներ կան, որոնք նաեւ ազատԾԱ են, ու շատ լաւ են աշխատում, օրինակ եթէ տարիներ առաջ իմ լափթոփի համար պէտք է դնէի սեփականատիրական սարքավար իմ վայֆայի համար, այսօր արդէն մի քանի ԱզատԾԱ ալտերնատիւ կայ։

բայց մի հատ այդ Սայաթ Նովա փողոցի մասնագէտներին հասկանանք, ինչո՞ւ չեն տեղադրում գնու/լինուքս։ իհարկէ դա բիզնես մօտեցում է։

եթէ գնու/լինուքս տեղադրի, ապա կարգիչը ուշ է փչանալու, ու մարդիկ չեն գալու ասեն «վայ վիրուս է ընկել, ֆորմատ արէք» ու իրենք մի քանի կոպեկ աշխատեն, դէ գնու/լինուքսում ինչ վիրուս։

սա ծրագրայինի կողմից, իսկ հարդի կողմից, ինչպէս նշեցի, հնարաւոր է 1GHz 512MB Ռամ ունեցող սարքի վրայ էլ քշել, այսինքն տարին մի անգամ մարդիկ չեն գայ ասելու թէ «վայ մեզ վերջին վինդոզն է պէտք, դրա համար էլ պէտք է նոր հարդ առնենք»

ես ամիսներ առաջ մի հին, շա՜տ հին կարգիչի վրայ անում էի նոյն այն գործերը որոնք ես անում եմ այսօր իմ կարգիչի վրայ՝ RSSով կարդալ լուրեր, մեյլ գրել, նամակ գրել, մտնել կայքեր, երգ լսել, նոյնիսկ ծրագրաւորում անել, ասենք փայթնով։

ո՞ւմ է պէտք գնու/լինուքսը ամենաշատ, իհարկէ սովորական մարդկանց։ իսկ այն կարծրատիպը թէ գնու/լինուքսը ու առհասարակ յունիքսը ծրագրաւորողների համար է, պէտք է դա մոռանալ, ի վերջոյ, ինչո՞ւ ասել «վայ բարդ է լինուքս տեղադրելը», ախր այդ նոյն ասողը ե՞րբ է վինդոզ տեղադրել, որ մի հատ էլ գնու/լինուքս տեղադրեր, անգամ Ռիչարդ Սթոլմանը կեանքում ԳՆու/Լինուքս չի տեղադրել, այլ իր ընկերներն են տեղադրել իր համար։

մէկ խօսքով։

Ասք անդրոիդում անցանց բառարանների մասին

Ամիսներ առաջ Նորայրը հաք էր արել armdicto բառարանը, եւ այն սարքել էր StarDict բառարանային ֆոմատով, այդպէս կարող ենք օգտագործել բառարանը անցանց (առանց ինտերնետի) ցանկացած պլատֆորմի վրայ (Windows, GNU/Linux, iOS, Android, maemo, SailfishOS եւ այլն) եթէ ունենք ծրագիր որը կարդում է StarDict բառարանային ֆայլի ֆորմատը։

Ինչեւէ, հիմայ ես այն ցոյց կը տամ Android-ի վրայ օգտագործելով ColorDict ծրագիրը։

Տրամաբանութիւնից ելնելով քաշում ենք ColorDict ծրագիրը, կամ Google Play-ից՝ այստեղից, կամ էլ 1Mobile Market-ից՝ այստեղից։

Ես չունեմ Gmail, այդ պատճառով էլ քաշեցի 1Mobile Market-ից։

Screenshot_2015-01-29-12-56-12

տեղադրում ենք ծրագիրը. եթէ Googla Play-ից էք քաշում, ամենայն հաւանականութեամբ ինքն իրեն կը տեղադրուի։

Screenshot_2015-01-29-12-56-35

Ապա բացում ենք ծրագիրը։ Այ էն վերեւի թղթապանակն ենք մտնում, ու տեսնում ենք որ

Screenshot_2015-01-29-12-57-27e

Մենակ Վիկիպեդիայից է կարդում, այսինքն այլ բառարան չկայ։

Screenshot_2015-01-29-12-57-33

սա նման է Music Player-ի, սա ուղղակի աշխատեցնում է, բայց մենք պէտք է աւելացնենք բառարաններ։

Հիմայ քաշում ենք այս ֆայլը՝ http://norayr.arnet.am/armdicto/armdicto.zip ։

ամենայն հաւանականութեամբ սա կը գնայ Ձեր Անդրոիդ հեռախօսի Downloads թղթապանակի մէջ 🙂

հիմայ այդ ֆայլը տեղափոխում ենք հեռախօսի յիշողութեան մէջ, dictdata անունով ինքն իրեն ստեղծուած մի թղթապանակի մէջ, ինչպէս որ տեսնում էք նկարում։ ի դէպ՝ հեռախօսից հեռախօս տարբերւում է, մի գուցէ այդ dictdata թղթապանակը լինի SD քարդի յիշողութեան մէջ (։ զգո՛ն եղէք։

Screenshot_2015-01-29-13-08-46e

հիմայ ետ ենք գնում մեր ծրագրի մէջ, եւ տեսնում ենք թէ armdicto-ն աւելացաւ։ չաւելանալու դէպքում պարզապէս անջատում ու ետ ենք միացնում ծրագիրը։

Screenshot_2015-01-29-13-09-06e

Սեղմելով վերեւ նշած սլաքը, Armdicto բառարանը հանում ենք վերեւ, այ սենց՝

Screenshot_2015-01-29-13-09-13

հիմայ կարող ենք հանգիստ, ԱՆՑԱՆՑ բառեր թարգմանել։

օրինակներ։

Screenshot_2015-01-29-13-09-26

Screenshot_2015-01-29-13-09-30

Screenshot_2015-01-29-13-10-07

Screenshot_2015-01-29-13-10-37

աւելացնեմ, կարող էք այլ բառարաններ էլ աւելացնել, նոյն ձեւով, ասենք այստեղից՝ http://dictionaries.arnet.am/

Իհարկէ, շատերը կ’ասեն՝ «է հա բայց ո՞ւմ է պէտք, ցանցով թէ անցանց, հեն ա կայ էլի Ջուջուլ թրանսլեյթ»։ չգիտեմ, իրենք՝ ոնց, բայց ինձ պէտք է անցանց, մի դէպք պատմեմ.

մօտ երկու տարի առաջ ընկերներով բարձրանում էինք լեռ, գնում էինք Հավուց Թառի վանք, վանքի մօտ մի Կանադացի կար, ես ու ինքը միասին խօսում էինք անգլերէն, մէկ էլ, չեմ յիշում, բայց ինչ-որ բառ էր պէտք թարգմանել, տղան ինձ բան էր բացատրում, բառը չէի հասկանում, իսկ ես այն ժամանակ ունէի Անդրոիդով հեռախօս՝ HTC Sensation XL։ բացեցի հեռախօսը, որ մտնեմ Ջուջլ ու թարգմանեմ, բայց անիմաստ էր, ռադիօ ծածկոյթ չկար, իհարկէ, վանքում էլ WiFi չկար։ իսկ եթէ մենք ունենայինք անցանց բառարաններ, շատ հեշտօրէն կարող էի թարգմանել, եւ իրար կը հասկանայինք։ ինչեւէ։

Շնորհակալութիւն եմ յայտնում Նորայրին՝ հաք անելու համար։ Ընկերոջս, Նարէկին՝ հեռախօսը տրամադրելու համար, եւ բոլոր բոլորին ովքեր օգնեցին այս գրառումը հասանելի անել հանրութեանը։

հարցերի դէպքում, մի՛ ամաչէք, եւ գրէք մեկնաբանութիւններում (։

ԽՆԴՐԱՆՔ.

եթէ ունէք այլ պլատֆորմով հեռախօսներ՝ iOS, WindowsPhone, WindowsMobile, կամ անգամ Window համակարգչի համար, ինձ տեղեակ պահէք, ցանկանում եմ նաեւ գրառել այլ պլատֆորմների համար։

ՕԳՆՈՒԹԻՒՆ.

թուայնացնում եմ Հրաչեայ Աճառեանի Հայերէն Արմատական Բառարան, ցանկացողները կարող են միանալ՝ https://github.com/Antranigv/acharian/

Գրառում վիրտուալ-ռեալ կեանքի ու սերունդների մասին

Ուրեմն երբ դեռ Հայաստանում էի, մի քանի ամիս առաջ, քուրիկս գնացել էր ինչ֊որ զբօսնելու տեղ մայրիկիս եւ հայրիկիս հետ, եթէ չեմ սխալուում անունը «մադակասկար» էր, մէկ էլ քուրիկս եկել ասում ա
— Ափար, ափար 😀
նայում եմ իրեն, թէ ինչու է այդքան ապշած ու ուրախ
— Ըսէ քոյրիկ…
— Գիտես, չէ՞, այսօր գացեր էինք մադակասկար ու…
մտածեցի թէ Մադակասկար կղզին են գնացել ու հարցնում եմ
— Ո՞ւր o.O
— Մադակասկար, խաղավայր է ափար
— Ո՞ւ
— Հոն գիտե՞ս ինչ կար, ադ խաղը գիտցա՞ր, որ մատով կը խաղայինք բլանշետի վրայ, լոյսերով էր։
Ոչ այդքան շատ կարճ երկար մտածելուց յետոյ իմացայ որ Glow Hockey խաղի հետ ա, Air Hockey ա էլի
— Հա՜, է յետո՞յ
— Ադոր իրականը կար 😀

Է՜հ սերունդ սերունդ… մենք ուրախանում էինք, որ ժամանակին կարող էինք ճատրակ խաղալ MS-DOS֊ի վրայ, իսկ դուք հակառակը…

Ասանկ բաներ

Գրառում Ռուսերէն չիմանալու մասին

Էս Հայերէն-Ռուսերէն պահով.

Ամիսներ առաջ, ինչպէս, որ շատերդ գիտէք, աշխատում էի որպէս մատուցող, ան ալ Զուարթնոց օդանաւակայանում։

Մի անգամ, շատ լաւ յիշում եմ, ռուս երիտասարդ մը նստեց, ես էլ մօտեցայ, բնականաբար, Սիրիահայ եմ, ես ո՜ւր, Ռուսերէնն ուր, հարցրեցի, թէ ինչ է ցանկանում Անգլերէնով։ Ատանկ մէկ հատ թարս նայեց վրաս, ոնց որ իրեն պարտք լինեմ, ու հասկացրեց, որ Անգլերէն չգիտի, ասեցի՝ խնդիր չկայ, բնաւ, հիմայ գործընկերոջս կ’ասեմ, կը մօտենայ Ձեզ։

Ինձ շատ վատ էի զգում այդ օրը, այնպիսի մէկ տպաւորութիւն էր, ասենք՝ Հայ մարդը պարտադիր պէտք է Ռուսերէն իմանայ… Դէ բարեւ Ձեզ ազիզ ջան։

Ատքանը հեչ, մէկ հատ ալ բողոքում է ղեկավարիս (նոյն ինքը՝ manager–իս), որ ես Ռուսերէն չգիտեմ։ Դէ եկուր ու բացատրի, որ Հայաստանից դուրս է ապրել, ու ընդհանրապէս, Հայ մարդու պարտականութիւնն է Հայերէն իմանալ, ոչ թէ Ռուսերէն։

Իսկ դու, ռուս երիտասարդ, որ մենակ ռուսերէն գիտես ու ինձանից ես բողոքում, ես գիտեմ Իմ Հայերէնը, Անգլերէն ու մի հատ էլ Արաբերէն (դէ ջիջիլ)։

Միակ ռուս յաճախորդը, որին շատ սիրեցի, երեւի մի 25 տարեկան, տիպիկ ռուսական մարմնով ու մազերով, երբ իմացաւ որ Ռուսերէն չգիտեմ, հարցրեց ինձ՝ so what do you speak ?? — այն էլ ոչ-լաւ Անգլերէն իմանալով… Իսկ ես պատասխանեցի՝ Well, I know Arabic… Ու սկսեց հետս Արաբերէն խօսիլ (։ Արաբագէտ էր, էնքա՜ն քննարկեցինք Սիրիայի դէպքերից (։

Ասանկ բաներ