Tag Archives: ՏՏ

Անդրանիկ Վարդանեան

11/07/2015

Բարի կէսօր,

Այսօր ահագին շուտ եմ արթնացել, բայց հաւէս չկար առաւօտ շուտ կարգիչի դէմ նստել, այո այո, ես մէկ մէկ նաեւ հեռու եմ լինում տեխնիկայից, համացանցից։ Շատերը գիտեն թէ ես կեանք չունեմ, չնայած լաւ, ինչ սխալ կարծիք իմ մասի ասես կայ (։

երեկ գնացել էի կողքի քաղաք, որ ընկերներիցս մէկին տեսնեմ, այն էլ մեր հանդիպումը ասես գործնական լինէր աւելի շատ քան անձնական. ամբողջ ընթացքում փորձում էի իր ԱյՖոնը սարքել։

Այո այո, ես տենց սխալ բաներ էլ եմ անում, չէք հաւատայ, բայց շատերի համար Վինդոզ էլ եմ տեղադրել, ուղղակի բարդ է ասել բարեկամներին, թէ ես սկզբունք ունեմ օգնել միայն ու միշտ ԱզատԾԱ-ի համար։ ինչեւէ։

իր խնդիրը ինձ համար ահագին ծիծաղելու էր ։ՃՃ բա «Անդ ջան չեմ կարողանում ծրագիր քաշել», օքեյ, մտածեցի թէ ինչից կարող է լինել։ գիտէք, չէ՞, բոլորդ էլ հաստատ գիտէք, որ Խնձորի ԱպպԽանոութից բան-ման քաշելու համար պէտք է գրանցուել, հիմայ ընկերս էլ մոռացել է իր գաղտնաբառը։ դէ լաւ, ինչքա՞ն բարդ կարող է լինել, ուղղակի պէտք է reset անել, ու պէտք եղած յղումը կը գնայ որ մեյլին։

իր մեյլի՞ն, չէ հա, իր բարեկամի մեյլին, ու սենց երկար բարակ պատմութիւն, էլ կապուի, խնդրի, ասա որ մտնի փոխի, յետոյ մենք մտնենք փոխենք, վայ, աւելի հեշտ է LAMP հանգոյց տեղադրել քան թէ դա անել։

յիշեցի մի դէպք, երբ փոքր քոյրս իր Գուգլ հաշիւով մտել եւ խաղ էր քաշել մեր բարեկամների մէկի հեռախօսով, ու պրծ, ֆիքսուել էր քրոջս հաշիւը այդ հեռախօսի վրայ։

հիմայ այդ բարեկամի բոլոր նկարները Սինք էր անում քրոջս հեռախօս, իսկ քուրիկիս նկարած նկարները գնում էր այդ բարեկամի հեռախօս։

նոյնն էլ ընկերոջս Արմէնի հետ էր եղել, երբ իր Ջմեյլով մտել էր հազար ու մի հոգու Անդրոիդ հեռախօս էր կարգաւորել։

ահագին ծիծաղելու է ։Ճ դա նման է որ անես apt-get install firefox ու մէկ էլ քեզանից մուտքանուն ու գաղտնաբառ ուզի ։Ճ

տարիներ առաջ, երբ ծիծաղում ու ասում էինք որ Վինդոզում չկայ շտեմարաններ, բայց ահա, հիմայ կայ Windows Store, Վինդոզ 8ից կայ (։ բայց աւաղ, կրկին անգամ գրանցումներ է պէտք։

դրա համար էլ, մինչեւ այսօր օգտագործում եմ ն900, քանի որ պէտք չունեմ գրանցուելու, էլ երկար բարակ բաներ ներկայացնելու։ լաւ, ինչեւէ։

ուղղեցինք հարցը, եւ եկայ տուն։

ահագին ման էի եկել, մտել էի տեխնիկայի խանութ, կարգիչներ էի ման գալիս, մէկ էլ ի՞նչ տեսնեմ՝ Ռասփբերի Փայ ^_^ թանկ էլ չէր՝ 40 եւրո, եթէ մէկը ցանկանում է, ասէք՝ հետս կը բերեմ, Մոդել Բ-ն էր։ ինչեւէ

նաեւ լիքը ուլտրաբուքեր… չկային :-/ իսկ ինձ նոր կարգիչ է պէտք։ ընկերներիցս մէկը #funtoo սենեակում մի լաւ բան ասեց՝ Մակբուք սիրո՞ւմ ես, ասեցի՝ այո, սակայն հարդը, բայց ոչ սոֆտը։ ու ես զզւում եմ այո ՕՍ Տասից, մի տեսակ իմը չի։

տղան լաւ միտք տուեց, ասեց Macbook Pro գնիր, եւ վրան տեղադրիր ԳՆՈւ/Լինուքս, իհարկէ Ֆանթուու, սա իհարկէ մտքովս անցել էր ահագինգ առաջ, բայց հիմայ մի ուրիշ բանի էլ ուշադրութիւն դարձրեցի՝ գները։

Եթէ նոյն հզօրութեամբ այլ արտադրողից առնեմ, ասենք Դելլ, ապա նոյն գինն է լինելու, իսկ այս պահին շուկայում չեմ տեսնում իմ ուզած կարգիչը 🙁

այնպէս որ մնաց Մաքբուք Փրո առնել, ու վրան ազատԾԱ ՕՀ քշել։ հա մէկ էլ նշեմ, որ հաստատ ռեթինայ չեմ վերցնի, ախր դրա իմաստը ո՞րն է, իրականում աւելի է աչքին վնասակար քան օգուտ, լուրջ եմ ասում։

տենց։ բա ո՞նց էք (։

Անդրանիկ Վարդանեան

04/05/2015

մի ամբողջ օր չարչարուելուց յետոյ կարողացայ Alpine-ով նամակ ուղարկել որը ստորագրուած է եւ/կամ կոդաւորուած GPG/PGP-ով, օգտագործելով pinegpg ծրագիրը։ բայց դեռ շատ բան պարզ չէ, հմմ։ պէտք է մի քանի հոգով նստել, հաւաքուել, եւ փորձել, ու հասկանալ, ու վերջում էլ գրել/նշել մի տեղ դրա մասին։

Հրանտը ասում էր, որ եթէ ուզում ենք բոլոր մարդիկ օգտագործեն PGP, կամ առհասարակ կրիպտոգրաֆիկ բաներ առօրեայում, ապա պէտք է հիմիկուանից բացատրենք թէ ինչ է ապահովութիւնը, կրիպտոգրաֆիան եւ PGP-ն, որ մի 100 տարուց բոլորը օգտագործեն։

ու հա, ճիշտ է ասում, ինչքան էլ ցաւալի լինի։

տենց։

Ասք կարգիչների խնդիրները դիւրակիր սարքերին տանելու մասին

Յիշո՞ւմ էք, երբ Նորայրը Բուն TV-ում պատմում էր նրա մասին, որ մարդիկ միասին չաթուելու համար բացում էին մի հատ ICQ, MSN, Yahoo Messenger, Paltalk, Skype, Gtalk, AOL եւ այլն (սա կարող է անվերջ գնալ)։ Իհարկէ ես էլ եմ ապրել այդ ժամանակներին, նոյն յուզերնեյմով ունէի հաշիւներ այդ բոլորի մօտ, քանի որ չէի կարող մէկից միւսը նամակ գրել (չնայած վերջում MSN-ից Yahoo բացեցին պորտը)։ այդ խնդիրը մի գուցէ չկայ էլ գրասեղանային կարգիչների մօտ. մարդիկ անցել են Վեբի, ասենք բոլորը միասին բացում են Ֆեյսբուքի չաթ, կամ Գուգլի ֆանատները միասին անցնում են Ջ+ հանգաութս, իսկ եթէ ցանկանում ես բոլորի հետ շփուել, ապա մէկ զննիչով բացում ես մի քանի ներդիր (Tab), ասենք facebook.com, plus.google.com, vk.com, ok.ru, եւ շարունակելի է։

Այս խնդիրը ոչ թէ միայն չլուծուեց, այսինքն՝ չստացուեց մարդկանց բացատրել, որ կարելի է մէկ տեղ լինելով բոլորի հետ շփուել, այլ եւ խնդիրը շարունակուեց դիւրակիր սարքերի, խելախօսների, թաբլեթների, շուտով՝ խելաժամացոյցների եւ այլնի մօտ։

Այսօր ընկերս էր եկել, գնալու էր Ուզբեկստան, խնդրեց մի հատ մեյլս գրեմ, որ հետս կապուի։ վերցրեցի հեռախօսը, որ մտնեմ contacts ծրագիրը, ի դէպ հեռախօսը լաւ հզօր բան մըն է, Սամսունգ ընկերութեան կողմից եւ Անդրոիդով աշխատող։ ահա, դեռ սպասում եմ contacts ծրագիրը բացի 🙂 բա ուրի՞շ, ո՞նց էք, հեսա կը բացի (։

Վերջապէ՜ս, բացեց, ահա գրեցի մեյլս, ու հիմայ սպասենք, սեյվ է անում։ ահա, բայց ինչո՞ւ այսքան դանդաղ, իմ 600Mhz-նոց Ն900-ը շա՜տ աւելի արագ է, հմմ։ իրենը երեւի մի երկմիջուկանի 1.5Ghz կը լինի մի ԳԲ ՌԱՄ-ով։

Ցանկանո՞ւմ ես բոլորի հետ շփուել, դէ օգտագործիր. Whatsapp, Viber, Skype (արա էլի՞ դու ։Ճ), Telegram, QQ, Snapchat, Tango, ու սա անվերջ կը գնայ, 2 անգամ աւելի անվերջ քան գրասեղանային կարգիչների անվերջը ։Ճ

Բնական է, որ այդքան ծրագիր բաց թողնելուց յետոյ հեռախօսը սկսում է դանդաղել (։

իսկ գիտէի՞ք, որ համարեայ բոլորն էլ աշխատում են XMPP-ով (։ բայց այնպէ՜ս են ներկայացնում, ասես նոր գիտութիւն լինի։

Իսկ ես ունեմ մէկ ծրագիր, կամ Pidgin-ն է միացրած, կամ էլ հենց maemo ՕՀ-ի ներքին ծրագիրը, եւ ահա, ես կպած եմ Ջաբերին, եւ խօսում եմ բոլորի հետ։ Մենք (ջաբեր օգտագործողներս) նաեւ ունենք ընտրութիւն, օրինակ՝ ինձ դուր չի՞ գալիս Pidgin-ը, խնդիր չկայ, կ’օգտագործեմ Psi, դա էլ է՞ էշութիւն, ոչինչ, կայ Profanity, եւ այլն։

իսկ դո՞ւք, ամէն տարի նոր, աւելի արագ հեռախօ՞ս էք առնում (։ թէ՞ հանգիստ չէք շփւում։

տենց։

Link

علوم وتكنولوجيا – منشر.

սա Մանշար կայքն է, արաբերէն է, այստեղ ցանկացած մարդ կարող է գրառել, եւ բոլորը կարող են մեկնաբանել, եւ այլն, շատ նման է Հաքեր Նիւզին, բայց ամէն ինչի մասին է, ոչ միայն ՏՏ, եւ դեռ բեթա է, շուտով բացումն է, առաջարկել եմ նաեւ որ դնեն ՌՍՍ հոսքեր, եւ այլն։ մեզ էլ է պէտք այսպիսի բան։

ԵԹԷ չեմ սխալուում, նաեւ աղջիկ է հեղինակը (։ ոնց որ թէ Ջուջուլում էր աշխատում, մի խօսքով. ասածս ինչ է՝ մեզ էլ է այսպիսի հարթակ պէտք ։Ճ

Գրառում QR code-ի մասին

Յաճախ մեզ պէտք է լինում QR Code սարքել ինչ որ բանի համար, ասենք յղում ա, կամ հասցէ ա եւ այլն, ու բռնում ընկնում ենք Ջուջուլի ձեռը, ման ենք գալիս կայքեր որոնք մեզ համար մի հատ պստիկ QR code կը պատրաստեն։

Հիմայ ներկայացնեմ աւելի հետաքրքիր ու անցանց տարբերակ։

Նախ եւ առաջ քաշում ենք հետեւեալ ծրագիրը՝ qrencode, օրը QR code-ի գրադարան է, կարող էք քաշել ձեր package manager-ով, ասենք՝ apt-get install qrencode / yum install qrencode եւ այլն, կամ էլ compile անէք այստեղից՝ libqrencode, իսկ մանրամասերը ծրագրի մասին կարող էք գտնել Գիթհաբում՝ fukuchi/libqrencode

քաշելուց յետոյ կարող էք անել
$ man qrencode
եւ տեսնել ծրագրի հնարաւորութիւնները։

Իսկ ես առանց ցանցի պատրաստեցի այսպիսի բան

$ qrencode "https://spyurk.am/" -o spyurkam.png

որը, ինչպէս գուշակեցիք, ստեղծում է QR code Սփիւռք.ամ հասցէով

spyurkam

սակայն նկարը այդքան էլ յստակ չէ, ճիշտն ասած ես նախընտրում եմ SVG-ով անել, որը վեկտորային գրաֆիկա է ստեղծում, ապա՝

$ qrencode "https://spyurk.am/" -t svg -o spyurkam.svg

spyurkam

իսկ հիմայ ինչքան էլ մեծացնենք նկարը, իր որակը չի ընկնի։

Ասանկ բաներ։

Գրառում Firefox–ում Հայերէն ստուգիչի մասին

Օրեր առաջ Նորայրը գրել էր, թէ ինչպէս աշխատեցնել Հայերէն ստուգիչը փիդջինում, ու իհարկէ ես արեցի իր ասածը, ու որոշեցի Ձեզ հետ կիսուել թէ

ինչպէս աւելացնել Հայերէն ստուգիչ Firefox-ում

Ե՛ւ դասական, ե՛ւ արդի ուղղագրութեամբ

  • Դասական ուղղագրութեան ստուգիչի համար ներբեռնէք հետեւեալ նիշկը՝ classicalarmenianspellchecker.zip
  • Արդի ուղղագրութեան ստուգիչի համար ներբեռնէք հետեւեալ նիշկը՝ armenianspellchecker.zip

Հետեւէք տեսայոլովակին

Կամ կարդացէք սա

Սեղմուած նիշկ(եր)ը ներբերռնելուց յետոյ extract ենք անում, ապա իր մէջ գտնուած .aff ու .dic նիշկերը տեղափոխում ենք Firefox–ի գլխաւոր թղթապանակի dictionaries թղթապանակի մէջ
Եթէ dictionaries թղթապանակը գոյութիւն չունի, ապա պարզապէս ստեղծէք դա։

Նիշկերը թղթապանակում տեղադրելուց յետոյ, անջատէք–միացրէք Firefox–ը, ապա ինչ–որ տեղ գրելուց սեղմեցէք մկնիկի աջ–կտտոցը, ապա՝ Languages => Armenian, ու պրծ։

Շնորհաւոր։

Ու ասանկ բաներ։

Մի բան ասեմ էլի ձեան գրառումների մասին

Մի բան ասեմ էլի… Ուրեմն, այսօր առաւօտ արթնացայ, ու մտայ սոցիալական ցանցեր՝ Դիմագիրք (Facebook), Թվիթթեր, եւ այլն… Ու դեռ պատուհանի մօտ չհասած, արդէն իմ ընկերների գրառումներից հասկացայ, որ ձիւն է եկել…

Վու՜յ ձիւն
OMG Snow again!
Լաւ էլի հաւես չկայ ձիւնի

Ի դէպ գրառումների մեծ մասը տրանսլիտով էր

Իհարկէ, բան չունեմ ասելու, մարդիկ իրենց կարծիքն են արտայայտում, սակայն առաջարկում եմ հետեւեալը.

Ուրեմն, մօտ մէկ ամիս առաջ, իմ շատ սիրելի ընկերը՝ Դավիթ Եղիազարյանը a.k.a. Makenas, շատ լաւ թոյն բան էր առաջարկել.

Ես էլ աւելացնեմ՝ նաեւ Դիմագրքում… Եթէ ձեան մասին, քաղաքականութեան մասին, ինչ որ զր–2–զիբիլի* մասին գրառումները սրտաբուխ են, իմ կարծիքով աւելի սրտաբուխ պէտք է լինի ազատագրուած տարածքների մասին գրառումներն ու թվիթները… ի՞նչ էք ասում։

Մի անգամից յիշեցնեմ… Ապրիլի 3-ն ընդունուած է, որպես Քարվաճառի ազատագրման օր, եկէ՛ք այդ օրը ‪#‎Karvachar‬ պիտակը դարձնենք օրուայ շատ նշուող պիտակներից Դիմագրքում եւ Թվիթթերում…

Ու ասանկ բաներ

զր–2–զիբիլի 2– անգլ. two, այսինքն՝ զրթուզիբիլ

Գրառում գլիկը/scroll-ը փոխելու մասին

Մի քանի օր առաջ ստիպուած եղայ վերադառնալ Ubuntu 13.10, ու մի քանի ժամում էս անտէր scroll-ը (այսուհետ՝ գլիկը) արդէն ազդԸմ էր վրաս, դրա համար էլ փոխեցի մեր իմացած սովորական ու աւանդական գլիկին։

Հիմայ կիսուեմ փոխելու ձեւը Ձեզ հետ։

Երբ նոր էք օգտագործում Unity-ն, այսպէս է լինում գլիկը՝

Հիմա բացում ենք մի հատ terminal ու գրում ենք՝

gsettings set com.canonical.desktop.interface scrollbar-mode normal

Ու տեսնում ենք, որ արդէն փոխուած է.

Ու ուրախանում ենք ^_^

Եթէ ցանկանում էք հետ գնալ հին գլիկին, պարզապէս գրէք հետեւեալ հրամանը

gsettings set com.canonical.desktop.interface scrollbar-mode overlay-auto

ու տեսնում ենք.

Ու ասանկ բաներ

Գրառում Photoshop-ի այլընտրանքի մասին | GIMP

Յաճախ է լինում, որ ընկերներս ինձ գրում ու խնդրում են «Անդ ջան մի հատ Photoshop-ի հղում կը տա՞ս»… պէտք է հասկանալ, որ աշխարհի վրայ կան նաեւ Adobe-ից բացի ընկերութիւններ։

Այսօր Ձեզ ցոյց կը տամ GIMP ծրագիրը, որը Photoshop-ի այլընտրանքն է համարւում Ազատ ծրագրերի (Free software) աշխարհում։

Ինչպէ՞ս ներբեռնել այն

Հետեւէք իմ քայլերին տեսահոլովակի մէջ։

Նշուած հղումներն են

Ի դէպ՝

GIMP-ը Photoshop-ից ոչ մէկ բանով չի զիչում, առաջին իսկ ապացոյց այս նկարները, որոնք պատրաստուած են GIMP-ով 🙂

Ու ասանկ բաներ